Frank Kesi thotë se Milani është një ekip i madh dhe për këtë fakt vendosi të luante me kuqezinjtë. Në një intervistë për “Calcio2000”, mesfushori flet edhe për situatën e Higuainit dhe sqaron se ai mund ta ndihmojë shumë ekipin në të ardhmen.
“Kisha shumë oferta, por doja vetëm Milanin. Po punojmë shumë dhe shpresojmë që në vitin e ardhshëm të luajmë në Champions. Ky është objektivi kryesor dhe duhet të japim maksimumin për ta arritur. Higuain?
Është një kampion. Shumë lojtar i fortë. Kemi besim tek ai dhe shpresojmë të na ndihmojë. Gatuzo? Është trajner i mirë. Mbi të gjitha i drejtë. Kur duhet të punojmë nuk ka vend për të bërë humor me të”, ka thënë Kesi.
