Futboll Sport

TAKIMI DRITHËRUES/ Totti me tifozen e verbër të Romës: “Ka vetëm një kapiten!” (VIDEO)

Takimi emocionues i Francesco Totti, kapitenit legjendë të Romës, tashmë në rol drejtuesi te kryeqtetasit italianë, me Michela, tifoze e verbër e kësaj skuadre. Kjo e fundit, tepër e emocionuar, përveç përqafimeve për “10” e Romës, të cilin nuk e ka parë dot kurrë me sy, thotë me mallëngjim: “Ka vetëm një kapiten!”

Michela dhe motra e saj fituan një udhëtim për të marrë pjesë në duelin e Romës kundër Juves dhe për të takuar lojtarët verdhekuq. Lotët kanë rrjedhur edhe në mediat sociale, pasi klubi i Serie A ka ndarë me ndjekësit e vet videon e takimit për të cilin folëm më sipër.

Nëse takimi i tifozes së verbër me skuadrën dhe stafin ishte qartësisht një përvojë e pabesueshme, ajo me ish-kapitenin prodhoi një moment vërtet magjik. “Kur hymë në hotelin ku ishte ekipi, thashë: Kjo është dita jonë,  – kujton Rosa. – Ishte dita më e lumtur për motrën (Michela). Ne kemi një marrëdhënie të veçantë. Ajo ka qenë gjithmonë në gjendje ta përcjellë pasionin për Romën”.

Ky pasion doli qartë në pah kur Michela filloi të recitojë fjalimin e famshëm të pensionimit të Tottit, të ditës kur i tha lamtumirë futbollit të luajtur me klubin e zemrës, pas 24 vitesh si profesionist aty.

“Më ktheve emocionet e asaj dite”, – i tha Totti tifozes së verbër, para se të ndalonte për një përqafim, një bisedë dhe disa fotografi me të.

Related posts

Manchester City shpenzon më shumë për mbrojtjen se sa shteti i Kosovës dhe Shqiperisë

Q.Autor

Andriy Shevchenko i shkel “syrin” klubeve: Ja kush janë kriteret e mija për futbollin

Sadik.Autor

Crvena Zvezda – Napoli/ Publikohen formacionet zyrtare, ka shumë surpriza (FOTO)

Isa.Autor

Leave a Comment