Chelsea nuk e ka pasur të vështirë të mposhtë 2-0 Nottingham Forest në raundin e tretë të FA Cup. Blutë e Londrës kanë bërë një paraqitje bindëse në Stamford Bridge teksa kanë shkëlqyer lojtarë si Alvaro Morata dhe talenti Hudson-Odoi. Kjo ishte sfida e fundit me fanellën e Chelsea-t për Cesc Fabregas, të cilit i është dhënë shiriti i kapitenit nga trajneri Maurizio Sarri.
Gjithsesi, mesfushori spanjoll ka humbur një penallti në minutën e 30’ të ndeshjet dhe fatkeqësisht nuk arriti ta mbyllte aventurën e tij te Chelsea me një gol. Dy golat e ndeshjet janë shënuar nga Morata në pjesën e dytë, të dy të përgatitur nga Hudson-Odoi, i cili kohët e fundit është kërkuar nga Bayern Munich.
