Amanda Nunes nuk ka ndërmend që t’i ofrojë revanshin Cris Cyborg, pas duelit që dy sportistet braziliane zhvilluan në eventin UFC-232, që u zhvillua më 29 dhjetor në Los Anxhelos. Në këtë event, Nunes u bë sportistja e parë femër që mban dy tituj kampionë bote njëkohësisht. Nunes kishte titullin e peshës “bantamweight” (pesha 52-55kg), ndërsa një javë më parë fitoi edhe atë të peshës “featherweight” (pesha 61-66kg).
“Thonin që Cris Cyborg kishte duar të rënda e grushte të forta dhe kjo gjë, në fakt, më shqetësonte para duelit. Por kur më goditi në sekondat e para kuptova që nuk ishte aspak e vërtetë ajo që thonin, Ndaj vendosa që të dueloja haptazi, pa u mbrojtur në fytyrë dhe duke e goditur fort, duke arritur ta hedh në tapet me grushtet e mia”, tha Amanda Nunes, që e fitoi këtë duel ndaj Cyborg me “KO” në raundin e parë, pas vetëm 51 sekondash.
Për sa i përket revanshin, Nunes ka të qartë objektivin e saj, të rikthehet në peshën “bantamweight”, për të mbrojtur titullin. “Revanshi me Cyborg nuk më intereson për momentin. Duke qenë se për të zhvilluar këtë sfidë të parë mes nesh e lashë të priste një vit, për revanshin do ta lë të presë 2 vjet. Fillimisht do të mbroj titullin e peshës “bantamweight” e më pas të shohim”, u shpreh Amanda Nunes, e njohur me nofkën “luanesha”.
