Trajneri Thomas Tuchel ka deklaruar sot se mbrojtësi brazilian Dani Alves është një futbollist shembull për të rinjtë, një model që duhet ndjekur. “Me të, çdo ditë është një sfidë. Jam i lumtur dhe me fat që e kam në skuadër”, u shpreh trajneri i PSG-së.
“Është shumë kërkues, kërkon më të mirën nga shokët e skuadrës, duke vlerësuar çdo detaj. Kjo e bën më të lehtë edhe punën e një trajneri. Kjo është diçka e mirë për skuadrën”, deklaroi Tuchel. Dani Alves luan me Paris Saint Germanin që prej vitit 2017.
Më tej, trajneri i kampionëve të Francës tha: “Ajo që më habit të Dani Alves është se ka shumë energji edhe pse është 35 vjeç. Është agresiv në fushë, luan fort për çdo top dhe është një lojtar të cilit mund t’i besosh në çdo moment, pasi nuk të zhgënjen”.
