KF Maliqi në Kategorinë e Dytë të Shqipërisë ka gjetur një sponsor të ri duke vendosur në fanellat e tyre logon e një klubi nate në Korçë. Në fakt ka qenë një lëvizje e detyruar nga klubi, pasi më parë kishin një kompani bastesh sponsor të tyre, por me ligjin e ri duhet ta hiqnin nga fanella.
Për këtë, ka qenë ky klub nate që është ofruar të mbështesë financiarisht klubin e dytë të Korçës. Ndër të tjera klubi ka ofruar edhe shërbime ekstra për lojtarët pas çdo fitoreje, duke iu premtuar argëtim falas në klub.
Që në javën e parë me sponsor të ri, Maliqi fitoi 4-0 ndaj Përmetit. Rastësi apo motivim ende nuk dihet nga buroi kjo fitore e thellë, një gjë është e sigurt: çunat janë flak fare!
