Pas Fiorentina-Inter 3-3 klubi zikaltër me të drejtë ishte i tërbuar për penalltinë absurde fishkëllyer në fundin e ndeshjes pro Fiores, ndaj në media që dje deri sot është folur vetëm për këtë çështje, aq më shumë që as VAR nuk e korrigjoi vendimin e arbitrit.
Megjithatë, tek Interi ka lindur një çështje e re dhe bëhet fjalë për një grindje domethënëse mes Politanos dhe Perisic.
Politano shënoi golin e dytë të ndeshjes për Interin me një gjuajtje fantastike nga kufiri i zonës, ndërsa pas golit shkoi poshtë tribunës së tifozëve dhe çoi duart te veshët.
Një festim jo i ri tek Interi, përkundrazi… i përket ish-kapitenit Mauro Icardi. Sapo Politano bëri atë gjest, Ivan Perisic iu afrua, e pa vëngër dhe më pas me nervozizëm i uli dorën.
Politano iu kthye ashpër dhe e shtyu, ndërsa shikimi i Perisic linte të kuptohej se nuk ishte një debat miqësor, përkundrazi. Më pas erdhi një sqarim dhe lojtarët i dhanë dorën njëri-tjetrit, por ngre shumë pikëpyetje ky nervozizëm pas një goli të shënuar dhe pas një festimi alla-Icardi, që me sa duket ka krijuar përçarje në ekip+
