Riqui Puig është një nga emrat që po përmendet më shumë në akademinë e Barcelonës.
Puig, i cili luan në pozicionin e mesfushorit, ka treguar paraqitje të jashtëzakonshme me grupmoshat e reja, duke tërhequr vëmendje të madhe.
Lopetegui s’e harron shkarkimin nga Spanja: Qëndrova 5 orë pa folur
Lojtari është grumbulluar në disa seanca stërvitore edhe me skuadrën e parë të Barcelonës, ku është pëlqyer edhe nga Lionel Messi.
Por, presidenti i klubit, Josep Maria Bartomeu, ka thënë se lojtari duhet të jetë i durueshëm deri kur të jetë koha e tij.
“Riqui Puig? Durim. Ai ka kualitete të jashtëzakonshme, por ai duhet të bëjë punën e tij pak nga pak”, ka thënë Bartomeu.
“Ju kujtohet Xavi apo Iniesta, dhe si ata kanë bërë shumë për t’u konsoliduar në skuadrën e parë? Por, kualiteti i Puig është i madh, ai ka ADN të Barçës”, ka deklaruar numri 1 i Barcelonës.
