Pas fitores me rezultatin 0-3 dhe dopietës ndaj Milanit në derbi, Lautaro Martinez flet në mikrofonat e “DAZN”, pas këtij suksesi që e dërgon Interin në +4 pikë nga Milani i vendit të dytë dhe me zikaltërit që nisin “arratisjen” drejt titullit kampion:
Inter kryesues – “Jemi të bashkuar. Jemi një skuadër që punon çdo ditë dhe jep maksimumin për të dërguar Interin sa më lart të jetë e mundur. Jemi shumë të lumtur për këtë fitore.”
Titulli kampion – “Luftojmë të gjithë së bashku, kjo shihet dhe në fushë. Kemi vuajtur shumë këtë vit, pas dy eliminimeve nga Champions-i dhe Kupa e Italisë. Titulli kampion është objektivi i fundit që na mbetet, jemi të lumtur që jemi në krye.”
Lukaku – “Është 27 vjeç, është i ri dhe mund të përmirësohet ende. Vihet në dispozicion të shokëve të skuadrës, punon shumë. Jemi të kënaqur që e kemi në skuadër.”
Handanoviç – “Kur kemi nevojë, ai gjithmonë përgjigjet. Ne duhet të hyjmë në fushën e lojës më të përqendruar dhe jemi të kënaqur për tri-pikëshin.”, përfundoi sulmuesi i Interit, Lautaro Martinez.
