Lucas Paqueta duket se ka bindi të gjithë tek Milani, edhe pse ka pak muaj që është bërë kuqezi.
Blerja e tij ka ndryshuar që tani mesfushën e “Djallit” dhe i garanton zgjidhje të ndryshme shokëve të skuadrës. Për shkak të aftësive teknike, ai është krahasuar me një tjetër emër të madh të futbollit brazilian: Ricardo Kaka, idhulli i tifozerisë milaniste, i cili ka dhënë mendimin e tij në lidhje me ish-lojtarin e Flamengo-s.
“Lucas ka bërë gjënë e duhur duke zgjedhur Milanin, klubi po ndryshon dhe po fillon një epokë e re dhe pozitive. Do ta ndihmojë shumë ekipin, është një futbollist i mirë”, ka thënë Kaka.
“Krahasimi me mua? Nuk besoj jemi aq të ngjashëm. Unë do të thoja se klubi duhet t’i marrë gjërat shtruar me të, është i ri dhe i duhet qetësi që të shprehet në maksimum. I uroj suksesin që kam patur me fanellën kuqezi”.