Disfata e thellë 6-0 e pësuar ndaj Manchester City ka tronditur ambientin e Chelseas. Nën sulm e presion ndodhen tashmë pronarët, menaxhirmi dhe trajneri Maurizio Sarri, ndonëse i shpëtuar momentalisht në krye të pankinës së Bluve të Londrës.
Gjithsesi, si për të hedhur benzinë mbi zjarr, mjafton një gjest i argjentinasit, sulmuesit Gonzalo Higuain, blerjes së realizuar me preferencë persoanle të trajnerit Sarri në këtë merkato të mbyllur të janarit.
Në fakt, “Pipita” është zënë mat, teksa pështynte mbi një mbajtëse anësore në dhomat e zhveshjes së “Etihad”, pas dështimit të Chelseas. Gjesti krejt pa stil dhe madje i shpifur i argjentinasit ka përkeqësuar edhe më shumë pozitat e tij personale, por edhe duke cënuar imazhin e përgjithshëm të klubit.
Ka mjaftuar aq, që mbi ish-sulmuesin e Milan, Juve e Napoli të zbarkojnë polemikat që zbehën atë dygolësh të realizuar nga argjentinasi në ndeshjen ndaj Huddersfield.
Disgust as footage catches Higuain spitting inside Man City's tunnel https://t.co/N11gub5hEA pic.twitter.com/jZWA70pVWF
— The Sun Football ⚽ (@TheSunFootball) February 11, 2019
