Kategoria Superiore mbylli ditën e sotme javën e saj të 21-të, dhe në vendin e parë gjendet Partizani, tashmë në një diferencë më të madhe pikësh, plot 8 përballë Kukësit të vendit të dytë. “Demat” shkuan në 46 pikë pas fitores me Kastriotin, ndërsa Kukësi mbeti në 38, pas humbjes me Tiranën.
Ndjek Teuta në vendin e tretë me 36 pikë, ndërkohë që në të katërtin afrohet Skënderbeu, me 33 pikë. Laçi dhe Flamurtari mbajnë vendin e pestë dhe të gjashtë, përkatësisht me 31 dhe 30 pikë.
Tirana i shkëputet disi fundit të renditjes, ndërsa gjendet e shtata me 24 pikë, ndërsa Luftëtari një vend më poshtë me 21 pikë.
Kastrioti dhe Kamza, në dy vendet e fundit, të dyja me nga 16 pikë, mbyllin renditjen.
