Kohët e fundit është përfolur për një transferim të mundshëm të mbrojtësit brazilian Thiago Silva te Milani. Gjithsesi, mbrojtësi 34-vjeçar brazilian ka marrë vendimin për të rinovuar kontratën me kampionët e Francës.
Sipas të përditshmes franceze “L’Equipe”, Silva i ka kërkuar skuadrës pariziene se është gati të shtojë edhe me dy vite të tjera kontratën që skadon në verën e vitit 2020. Mbrojtësi synon që të luajë me PSG-në deri në vitin 2022.
Thiago Silva ka luajtur për 3 sezone me kuqezinjtë (2009-2012) dhe më pas u transferua në Francë. Disa herë palët kanë shprehur dashurinë dhe dëshirën për rikthim, por tashmë kjo duket e pamundur që të realizohet.
Mbrojtësi 34-vjeçar, nëse rinovon kontratën deri në vitin 2022 me PSG-në me shumë gjasa do të mbyllë karrierën me kampionët e Francës. Me kuqezinjtë, Silva realizoi 5 gola në 93 ndeshje, duke qenë një ikonë për tifozët milanistë.