Champions League 2005-06 ishte një makth i vërtetë për Cristiano Ronaldo, pas golit të shënuar ndaj Debrecen në paraeliminatoret, asnjë gol me Manchester United në 6 ndeshjet për portugezin dhe eliminim i menjëhershëm që në fazën e grupeve për “Djajtë e Kuq”, që u renditën në vend të fundit.
Këtë sezon CR7 ka shënuar vetëm një gol në gjashtë ndeshje, pikërisht ndaj Manchester United në “Allianz”. Për momentin ky eshtë sezoni i tij i dytë më i keq i të gjitha kohërave në terma realizueshmërie, që nga kur është transferuar në futbollin elitar.
Portugezi vjen pas 7 sezonesh radhazi në të cilat shënon një numër golash me dyshifror në Champions, që të gjithë me fanellën e Real Madrid, shoqëruar dhe shpërblyer me katër trofe të Champions League në vitrinën e arritjeve të tij.
Çfarë ndodhte në sezonin 2005-06? Atë sezon ishte Barcelona që fitoi trofeun e Champions League falë një goli të Belletti, që ishte i mjaftueshëm për katalanast të fitonin me përmbysje ndaj Arsenal të Arsene Wenger.
Në të njëjtin sezon Juventus i Fabio Capello fitonte titullin në Seria A, por në verë plasi skandali “Calciopoli”. Ndërkohë që më datë 9 korrik të vitit 2006, Italia e Macelo Lippi shpallet fituese e Kupës së Botës në Gjermani.
Trofeu individual më i lakmuar, “Topi i Artë 2006” atë sezon shkoi për Fabio Cannavaro, në një kohë kur Kylian Mbappe që fitoi këtë edicion trofeun për të rinjtë, mbushte 8 vjeç, teksa trajneri aktual i Juventus, Massimiliano Allegri, shkarkohej nga drejtimi i Grosseto.
