Teksa na ndajnë vetëm disa orë nga starti i Kampioantit Europian, legjenda e Moto GP, Valentino Rosi gjeti rastin dhe komentoi favoriten kryesore, padyshim kombëtarja e tij Italia.
Rosi njihet për lidhjen e ngushtë më futbollin dhe si tifoz i zjarrtë i Interit, duke mos hezituar të shprehe herë pas here simpatinë e tij për zikaltrit.
Kësaj radhe, “doktorri” gjeti rastin të përkrahte Italinë në kompeticionin e verës dhe u shpreh se është bukur kur mblidhesh me shokë për të parë ndeshjet dhe shan kundërshtarin që ke përballë.
“Ne kemi një ekip të mirë , Mançini po bën një punë të mirë dhe jemi në gjendje të arrijmë diçka. Unë jam i kënaqur që fillon Europiani, por Kupa e Botës është më e bukur.
Është gjithmonë diçka e bukur të mblidhesh me shoqërinë dhe të shohësh Italinë, ndërkohë që shan ekipin kundërshtar”, e mbylli fjalën e tij 9 herë kampioni i botës.