Christian Eriksen dëshiron vetëm të përqëndrohet te futbolli, thotë agjenti i tij, me lojtarin e Tottenhamit që ka qenë objekt i zërave për kalim te Real Madridit. Duke e dëshmuar veten si një nga mesfushorët më të mëdhenj krijues në Premier League, ndërkombëtari danez është mjaft i kërkuar në rolin e tij.
“Spurs” janë të etur ta “lidhin” atë me terma të rinj kontraktualë, teksa marrëveshja aktuale i skadon në verën e vitit 2020. Megjithatë, ende nuk është arritur një dakordësi mes palëve, ndaj 27-vjeçari vazhdon të lakohet në merkato. Gjigandët e La Liga-s, Real Madrid dhe Barcelona, kanë qenë shumë të lidhur me Eriksen.
Sidoqoftë, përfaqësuesi i tij këmbëngul se asnjë vëmendje nuk i është dhënë të ardhmes në këtë fazë. Negociatat për kontratën e re janë në pritje të fundit të sezonit: “Christian dëshiron vetëm të përqëndrohet te futbolli, – tha Martin Schoots për ESPN.
– Përveç aftësive të tij teknike, taktike dhe atletike, edhe ky qëndrim ka kontribuar gjatë viteve në transformimin mbresëlënës nga talenti i klasit botëror tek lojtari i klasit botëror. Në këtë moment do të preferoja të mos bashkohesha me spekulimet për kontratat dhe transferimet“.
Eriksen është pjesë e Tottenham që nga viti 2013 dhe ka luajtur mbi 250 ndeshje me klubin londinez. Gjatë kësaj kohe ka shënuar 63 gola.