Situata mes Inter dhe ish-kapitenit tashmë, Mauro Icardi, mbetet e tensionuar megjithëse ka kaluar më tepër se një javë që nga heqja e shiritit.
Sulmuesi argjentinas ka refuzuar të luajë në Europa League si dhe në kampionat me justifikimin se ka një problem në gju.
Sipas medies italiane, 26-vjeçari duhet të operohet dhe me shumë mundësi do të humbasë pjesën e mbetur të sezonit.
Me shumë mundësi ai do të largohet në merkaton e verës dhe Inter ka nisur gjuetinë për pasardhësin e tij.
Shumë e emra përfliten, por ai i fundit është i bujshëm. Bëhet fjalë pikërisht për sulmuesin e Manchester United Romelu Lukaku, i cili e ka humbur vendin e titullarit pas ardhjes së Ole Gunnar Solskjaer.
Te Djajtë e Kuq ai ka një kontratë deri në vitin 2022 dhe do të ishte i gatshëm për rreth 60 milionë euro.
