Këto skena i kemi parë të ndodhin në kampionate të rëndom të Brazilit apo Argjentinës, por jo në Premier League, kampionatin më të fortë në botë.
Megjithatë, ja që ndodhi edhe në Britani. Gjatë sfidës së Everton me Wolves, një mace e zezë ka vrapuar rreth e qark fushës për rreth dy minuta duke ndërprerë ndeshjen.
Goodison Park e priti me humor këtë surprizë teksa lojtarët në fushë e kanë shfrytëzuar pauzën për të rikuperuar sado pak energji.
Pas ndeshjes, e cila u fitua 3-1 nga Wolves, trajneri Espirito Santo është shprehur: “Macja e zezë? Në Portugali, vendlindja ime, macet e zeza janë ters, kështu që shpresoj të mos shoh më mace të zeza nëpër fusha.”
