Vetëm 4 fitore dhe 7 humbje në 13 ndeshje kanë mjaftuar për të bindur Leicester City që të shkarkojë trajnerin Claude Puel. Vendimi është marrë pas humbjes së djeshme, 4-1 ndaj Crystal Palace.
“Dhelprat” kanë humbur në katër ndeshjet e fundit radhazi dhe kanë rënë në vend të 12-të të kampionatit anglez.
“Klubi i Futbollit të qytetit Leicester sot (të dielën) ka ndërprerë bashkëpunimin me Claude Puel, i cili lë pozitën e tij si menaxher i parë i ekipit me efekt të menjëhershëm.
Klubi dëshiron të falënderojë Claude për përpjekjet e tij në udhëheqjen e ekipit gjatë 16 muajve të tij në rol dhe t’i uroj atij në karrierën e tij të ardhshme”, shkroi klubi në njoftimin zyrtar.
Për momentin Leicester do drejtohet nga trajnerët Mike Stowell dhe Adam Sadler, ndërsa klubi po punon për të gjetur pasuesin e francezit.
