Basketbollisti Klay Thompson, 3 herë kampion në NBA me ekipin e Golden State Warriors, është rikthyer sot në parket pas 941 ditësh. Ai ishte titullar për skuadrën e Warriors, që fituan 96-82 ndaj Cleveland. Në këtë rikthim, Thompson realizoi 17 pikë.
Ai nuk luante që nga finalet e vitit 2019 ndaj Toronto. Basketbollisti shpresoi të rikthehej në fushë verën e vitit 2020, por u dëmtua sërish dhe tashmë, pas 941 ditësh, ai shijoi sërish emocionet e një ndeshje basketbolli.
Në total, ai mungoi në 177 ndeshje me Golden State.
“Emocionet ishin të mëdha, njësoj sikur të kisha fituar titullin kampion. Nuk do ta harroj kurrë mbështetjen e tifozëve dhe skuadrës. Ky rikthim është frut i çdo ditë punë e stërvitje”, tha Klay Thompson, që bashkë me Stephen Curry formojnë dyshen e famshme “splash brothers”.
KT highlights?
KT highlights.
ROLL THE TAPE 📽️#KlayThompson || #NBAAllStar pic.twitter.com/9Rr1KO3FxI— Golden State Warriors (@warriors) January 10, 2022
