Portieri i PSG Gianluigi Buffon po pret me padurim të vizitojë Old Trafford dhe mendon se ndeshja ndaj Manchester United do të jetë e barabartë.
Dy skuadrat do të ndeshen në 1/8-at e Champions League të martën, ndërsa ndeshja e kthimit do të luhet në kryeqytetin francez më 6 mars.
“Old Trafford është tempulli i një ekipi të madh dhe me një histori të rëndësishme,” shprehet veterani i portës për Sky Italia.
“Ndeshja duhet të merret me seriozitetin më të madh. Futbolli është i çuditshëm: dy muaj më parë, kur u hodh shorti, të gjithë na konsideruan favoritë të padiskutueshëm.
“Tani, duke parë se çfarë ka ndodhur me ne dhe zhvillimin e United, jemi të paktën në të njëjtin nivel.
“Pogba? Ai është një djalosh i artë dhe një kampion i pabesueshëm.”
