Ditëlindja e Mauro Icardi-t ka qenë pak ndryshe në krahasim me ato të viteve të fundit. Ish-kapiteni i Inter-it po kalon një moment të keq pasi klubi vendosi t’ia heqë shiritin.
Nuk ka patur vezë dhe miell në qendrën stërvitore të zikaltërve, siç ka ndodhur për Ranocchian pak ditë më parë. Megjithatë, numri 9-të i milanezëve ka marrë një mesazh të veçantë nga Barcelona.
Bëhet fjalë për urimin që i ka bërë Rafinha, ish-mesfushori i Inter, i cili ka krijuar një lidhje të ngushtë me argjentinasit gjatë kohës që ka qenë në Milano.
Ai ka publikuar në Instagram dy fotografi të dy lojtarëve me fanellën e Inter-it. Në njërën është shkruar: “Gëzuar ditëlindjen vëlla”, te tjetra: “Oh kapiten, i imi kapiten”. Duket se edhe për Rafinha-n ka qenë e vështirë të pranohet vendimi i marrë nga klubi.
