Humbja e djeshme nga Atletiko e Madridit ka “trazuar” shumë situatën në kampin e Juventusit. Në qendër të kritikave pikësëpari është vënë Alegri, i cili me mënyrën si e trajtoi dhe rreshtoi ekipin bëri që humbja të ishte e pashmangshme.
Kështu në Itali dhe jo vetëm, kanë nisur që tani të merren me të ardhmen e stolit bardhezi. Sipas gazetës britanike “Mirror”, flitet se për stolin bardhezi është shumë pranë Zinedin Zidane.
Francezi është duke e monitoruar situatën me shumë imtësi dhe ndaj nuk po merr asnjë hap të mëtejshëm në karrierën e vet duke pritur fundin e sezonit për të kuptuar se çfarë do të ndodh në kampin bardhezi. Një ofertë nga bardhezinjtë, nuk do të refuzohej në asnjë mënyrë nga francezi.
Është edhe Çelsi pranë francezit, e cila ngulmon më tepër me të ardhura dhe kushte më të larta.
Mbetet të shihet se cilat do të jenë ndryshimet në stolin e Juventusit, që nëse nuk kalon në turin tjetër do të jenë të pashmangshme.