Sulmuesi i ri shqiptar, që aktivizohet tek të rinjtë e Olimpiakosit, Emiliano Bullari, shënoi një gol fantastik, në derbin që të rinjtë fituan ndaj moshatarëve të tyre të AEK-ut të Athinës, me shifrat 3-1.
17-vjeçari, i cilësuar edhe si “Ibra shqiptar”, shënoi golin e dytë, teksa shifrat ishin mbërthyer në 1-1. Dhe në fakt, realizimi ishte mjaft i bukur me të djathtën.
Pasi u shërbye me një parabolë nga shoku i tij i skuadrës, Bullari uli topin me gjoks, dhe direkt me të djathtën, shtangu portierin kundërshtari, duke shënuar golin e dytë në minutën e 77-të, e që më pas do i hapte rrugë edhe golit të tretë të Olimpiakosit.
