Tottenham mendon për të ardhmen dhe për të përforcuar skuadrën, me shpresën që edhe sezonin tjetër të luajë në Champions League. Sipas “Daily Mirror”, skuadra londineze është ende në kërkim të një sulmuesi, që do të jetë zëvendësuesi i Harry Kane. Dhe trajneri Mauricio Pochettino ka vendosur të sjellë në ekip 30-vjeçarin e Liverpool, Daniel Sturridge.
Këtë sezon, Sturridge ka luajtur vetëm në 13 ndeshje me “Reds”, duke realizuar edhe dy gola. Kontrata e tij me Liverpool skadon në fund të këtij sezoni, ndaj nga 1 korriku ai mund të kalojë me parametrin zero te Tottenham. Duke parë këtë shans të artë, skuadra e Spurs ka nisur që tani kontaktet me lojtarin, për ta bindur të transferohet te Tottenham.
