Kriza mes Mauro Icardit dhe Interit duket se nuk do të ketë fund. Shkak është bërë sërish agjentja e futbollistit, Wanda Nara, e cila ka bërë një tjetër “perlë” në lidhje me të ardhmen e bashkëshortit të saj.
Në një status në rrjetin social “Twitter”, Nara ka konfirmuar se ka pasur kontakte me Realin e Madridit dhe Juventusin për Mauro Icardin dhe se gjithçka do të zyrtarizohet në të ardhmen.
“Reali i Madridit më ka kontaktuar. Ndoshta koha do të më japë të drejtë, ashtu siç bëra kur thashë se kishte interes të fortë nga një ekip italian (J). Më trajtuan si një gënjeshtare dhe një muaj më vonë drejtuesi sportiv i tyre e rrëfeu atë.”-shkuajti Nara në “Twitter”.
Gjithashtu, Nara ka postuar edhe disa fotografi të Icardit duke derdhur lot me fanellën e Interit, episode që lënë gjithçka në ajër: largim apo dëshirë për të qendruar me ngjyrat zikaltër.
