Wanda Nara i thur elozhe burrit të saj Mauro Icardi në mes të krizës së Inter.
Kapiteni zikaltër ka gjashtë ndeshje pa shënuar në Serie A, gjithsesi do të jetë inkurajuar nga fjalët e gruas dhe agjentes së tij.
“Ka kapitenë që janë krenarë vetëm kur fitojnë, kapitenë që nuk luftojnë për të mirën e ekipit.
“Kapitenë që në momente të vështira braktisin shokët e ekipit. Ti je një nga ata kapitenë që lufton deri në fund,” shprehet ajo për DAZN.
Një sinjal i qartë për të ulur tensionin për skuadrën dhe Spalletti-n, por mbi të gjitha për sulmuesin argjentinas.
Skuadra po kalon një moment jo të mirë dhe kjo edhe për shkak të “thatësirës” së Icardi-t përpara portës.
