Kukësi dhe Tirana, luajnë mes tyre në stadiumin e Kamzës, sfidën e javës së 21-të në Superiore, një sfidë mjaft e fortë, pas formës së treguar nga dy skuadrat javët e fundit.
Ekipi i Cungut vjen pas fitores me Flamurtarin në transfertë, ndërsa lufton për të mos iu shkëputur më shumë Partizanit, që ditën e djeshme fitoi. Nga ana tjetër, bardheblutë e Memës kanë marrë pikë me vlera javët e fundit, por ende nuk janë shkëputur plotësisht nga zona e ftohtë.
LIVE | Kukësi-Tirana 0-0
KOMENTI LIVE
Mbyllet e para. Kukësi-Tirana 0-0
46’ Daja gjendet brenda zone, dhe kërkon të kthejë për shokët e skuadrës, por mbyll Teqja. Pretendojnë për prekje me dorë bardheblutë.
45’ 1 minutë shtesë.
45’ Top i gjatë për Ethemin në zonë, ky i fundit godet me kokë, por Abibi kontrollon pa probleme.
37’ Zëvendësim që në pjesën e parë. Cungu nxjerr Krasniqin, dhe futet Rexhinaldo.
35’ Karton i verdhë edhe për Cuculin te Kukësi. Mbrojtësi ndëshkohet për një faull ndaj Dajës më mesin e fushës.
30’ Mes tre futbollistëve në zonë, Greca ka një mundësi të mirë. Godet, por topi shkon jashtë, ndërkohë, sulmuesi i Tiranës pretendon për një penallti.
26’ Në zhvillimet e një goditje këndi, një top i larguar jo mirë shkon te Krasniqi, dhe mbrojtësi provon menjëherë drejt portës, por pa shënjestrën e duhur.
26′ Rikthehet në fushën e lojës Greca.
23’ Probleme për Grecën, pas faullit nga Teqja. Çalon, dhe ndihmohet nga stafi mjekësor i Tiranës.
22’ Karton i verdhë edhe për Teqjen, pas një ndërhyrje në këmbët e Grecës.
16’ Top i gjatë për Grecën, del edhe Frashëri duke ndërhyrë, por kryesori Hamiti ndal lojën për një prekje me dorë nga sulmuesi i Tiranës. Ndëshkohet me të vërdhë Greca.
14’ Aksion i shpejtë i Tiranës. Hoxhallari pason për Dajën, ky i fundit në një mur, e nis sërish brenda zone, por goditja e mbrojtësit të majtë shkon mbi traun e portës.
9’ Ethemi nis Shkurtajn pas një gabimi në mesfushën e Tiranës, por është mbrojtësi Imami, që mbyll Shkurtajn me shpejtësi.
5’ Rrezikon Kukësi. Cuculi me një korridor të bukur nis Rrumbullakun në të majtë, ky i fudit harkon tokazi në zonë, del Abibi, por i pasigurt dhe kontrollon në dy kohë.
4’ Imami nis Grecën në krahun e majtë, sulmuesi kërkon të niset me një sprint, por e lëshon shumë para topin dhe del në rivënie fundore.
2’ Goditja e parë e këndit për Kukësin, topi shkon te Uilliam Kordeiro Melo, godet me të majtën nga hyrja e zonës, por jashtë portës.
1’ Provon me një goditje nga jashtë zone menjëherë Asion Daja, por pa shënjestrën e duhur.
1′ Nis takimi.
