Objektivi kryesor i Manchester United për mbrojtjen, Harry Maguire, ka konfirmuar sot se dëshiron të luajë në Champions League sezonin tjetër. Një sinjal i qartë që mbrojtësi lider i kombëtares së Anglisë i drejton ekipit të Leicester, ku luan aktualisht dhe jo vetëm.
Me këtë deklaratë, Maguire përshpejton transferimin e tij drejt Manchester United, që për 25-vjeçarin ka patur gjithnjë debulesë, që kur ekipi drejtohej nga Jose Mourinho. Por “djajtë” dështuan ta realizojnë këtë blerje në merkaton e verës së shkuar, ndaj synojnë ta konkretizojnë atë verën e ardhshme.
Maguire kushton rreth 50 milionë stërlina, shumë që ka mbajtur peng transferimin. Por këtë herë United mund të bëjë hapin e madh dhe të administrojë më mirë fondet që ka në dispozicion, duke afruar një mbrojtës si Harry Maguire, që e meriton atë çmim.
