Ish-sulmuesi i Real Madridit, Antonio Cassano ka folur për kritikat që po merr Juventusi kohët e fundit në Serie A.
Në ndeshjen kundër SPAL-it, Allegri futi në lojë një formacion me zëvendësues ndërsa më pas u mposht me rezultatin 2-1.
Për këtë situatë, Allegri dhe Juventusi i tij është kritikuar ashpër.
“Nuk më pëlqen qëndrimi i Allegrit. Vënia e këtyre të rinjve në fushë, është e vështirë për ato ekipe që luftojnë për mbijetesë të pranojnë këtë situatë, prandaj është normale që Empoli dhe Bolonia të ankohen. Juventusi nuk është shumë i dashur, me këto qëndrime natyrisht jo”, tha Antonio Cassano.
