Trajneri i Interit, Luacino Spalletti, ka folur për InterTV në prag të ndeshjes që skuadra e tij do të luajë të dielën në mbrëmje kundër Fiorentinas në kampionatin italian.
Në lidhje me ndeshjen: “Fiorentina është në formë. Luan në mënyrë të organizuar, lojtarët e dinë kur duhet të presin dhe kur duhet të kundërsulmojnë. Nuk është një moment i mirë për t’u përballur me ata. Megjithatë, ne shkojmë në Firence pa frikë”.
Rikthimi i Icardi-t: “Shpresoj që të kthehet sa më shpejt, por ne nuk varemi nga një lojtar. Po kalojmë një moment të mirë forme”.
Lautaro në rrezik: “Rrezikon skualifikimin nëse merr karton? Është një djalë i zgjuar, por kur shënon nuk e përmban dot gëzimin. Shpresoj që të jetë më i kujdesshëm me fanellën në të ardhmen”.
Gara për Champions-in: “Ne kemi kaluar një moment të veçantë, sepse nuk kemi arritur të mbrojmë avantazhin që kishim në renditje. Gjithsesi, është e rëndësishme që kemi gjetur cilësitë tona”.
Europa League: “Eintracht Frankfurt është një kundërshtar i fortë, një nga ato skuadra që mund të shkojnë deri në fund. Fakti që ka fituar të gjitha ndeshjet e grupit kundër ekipeve si Marseille dhe Lazio tregon se janë të fortë, por ne duhet të kemi dëshirë të matemi me skuadra të tilla”.
