Champions League rikthehet mesjavën e ardhshme me një superndeshje, atë mes Liverpool dhe Bayern Mynih, që do të luhet në “Anfield”. Një ndeshje e veçantë për trajnerin Jurgen Klopp, që ashtu si dikur, kur drejtonte e fitonte me Borussia Dortmund në Bundesliga, kërkon të ndalë bavarezët edhe në Europë.
“Kanë kaluar vite nga ajo kohë dhe Bayern ka ndryshuar shumë edhe pse rezultati i tyre është gjithnjë i njëjtë: Janë kampionë në Gjermani. Kam parë 5-6 ndeshjet e fundit të Bayern dhe kam nxjerrë disa përfundime, që ua kam transmetuar lojtarëve, për ta përgatitur sa më mirë këtë sfidë. Në bazë të asaj që kemi parë dhe cilësive që kemi ne si skuadër kemi ndërtuar strategjinë tonë të lojës. Presing me të gjitha forcat dhe të shënojmë sa më shumë që në ndeshjen e parë”, tha Klopp.