Neymar mund ta ketë humbur fizikisht deshjen (fitoren) e Ligës së Kampionëve kundër Manchester United, të martën në mbrëmje, por shpirtërisht dhe emocionalisht e ka shijuar në maksimum. Kuptohet, përmes ekranit të televizorit, para të cilit është shndërruar në një ultras të vërtetë.
Ylli i PSG-së, 27 vjeç, u filmua duke shikuar ndeshjen në TV dhe shpërtheu në delir në momentin e golave të Presnel Kimpembe dhe Kylian Mbappe.
Pavarësisht lëndimit të tij në shputën e këmbës, çka e ka lënë jashtë fushave të blerta për disa kohë, Neymar shihet duke u hedhur përpjetë në dhomën e tij, duke u përqafuar me miqtë. Pra, braziliani e ka “luajtur” në mënyrën e tij ndeshjen ndaj Manchester United dhe e ka shijuar si tifoz i thekur fitoren 2-0.
Ai ishte paksa i kujdesshëm për këmbën, teksa kërcente nga divani, i ekzaltuar nga fitorja e skuadrës së tij, ndërsa videoja e festimeve është shpërndarë nga OTRO.com. Në të përfshihet edhe një sekuencë, kur Neymar shfaqet duke fërkuar me krem këmbën e tij të dëmtuar.
Kur Mbappe e kaloi PSG-në në epërsi të dyfishtë, Neymar feston me mënyrën karakteristike të talentit francez, duke kryqëzuar dy duart përpara, në gjoks.
Kujtojmë se transferimi rekord botëror në futboll (222 milionë euro) u dëmtua në një sfidë të “Coupe de France”, kundër Strasburgut, muajin e kaluar.
OTRO: Neymar Celebrates PSG Win
Even when he’s not on the pitch, Neymar Jr. is with his team every, step, of, the, way. Watch the full episode, exclusively on at OTRO.com #OurOtherClub
Gepostet von Otro am Mittwoch, 13. Februar 2019