Një mbyllje teatrale e denjë për një super performancë të skuadrës së Manchester City dhe veçanërisht të bomberit argjentinas të “Qytetarëve”, Sergio Aguero, protagonist kryesor në fitoren e jashtëzakonshme 6-0 ndaj Chelseas së Sarrit.
Në përfundim të ndeshjes, argjentinasi Sergio Aguero, protagonist kryesor me një tripletë personale, shkoi tek arbitri për të marrë topin e ndeshjes, që sipas traditës, duhet ta dërgojë në shtëpi, por nuk e pati të lehtë të marrë atë që i takonte..
Kësaj here gjërat nuk kanë shkuar sipas traditës, por sipas një skenari të vënë në skenë nga vetë arbitri kryesor i takimit Mike Dean.
Ky i fundit, kur ka parë Agueron të afrohet, si një prestigjator ka fshehur topin pas shpinës së tij, duke e futur poshtë bluzës, përpara se t’ja dorëzonete atë sulmuesit. Gjithçka është filmuar nga kamerat, me videon që është shndërruar menjëherë në virale në rrjet.
Peak Mike Dean banter: Hiding the hat-trick ball from Sergio Aguero 😆 pic.twitter.com/rmDa3YDVJP
— Soccer AM (@SoccerAM) February 10, 2019