Barcelona ka barazuar 1-1 ndaj Real Madrid në ndeshjen e parë të gjysmëfinaleve të Copa del Rey. Pas ndeshjes, ishte Sergio Busquets që foli për katalanasit.
“Barazimi ishte rezultati më i drejtë. Gjithçka do të vendoset në ndeshjen e kthimit.
Asnjë nuk do të jetë favorit, mendoj se është 50-50, megjithëse Real do të luajë në shtëpi.
Malcom? Goli do t’i japë shumë vetëbesim. Shpresojmë që të vazhdojë kështu, por për formacionin vendos vetëm trajneri.
“Në këto ndeshje nuk ka favorit. Jemi dy skuadrat më të mira në Spanjë dhe Europë. Edhe në ndeshjen e kthimit do të luajmë si të barabartë.”
