Real Madrid ka marrë tri pikët e para kundër Atletico Madrid në “Wanda Metropolitano” dhe trajneri Santiago Solari nuk e ka fshehur gëzimin e tij.
“Ishte një fitore ekipi, vetëm në këtë mënyrë mund të fitosh në stadiumin e tyre”, ka thënë trajneri i madrilenëve. “Kemi luajtur mirë në çdo aspekt dhe mendoj se ka qenë ndeshja më e mirë që kemi bërë që nga dhjetori”.
I pyetur në lidhje me luftën për titullin, Solari ka thënë: “Real-i lufton për gjithçka deri në fund. Tani jemi në vendin e dytë, por duhet të vazhdojmë kështu, sepse e di se Atletico nuk do të dorëzohet. Duhet të qëndrojmë me këmbë në tokë dhe të vazhdojmë punën”, ka thënë Solari.
Real Madrid është në vendin e dytë të La Liga-s tani, vetëm pesë pikë larg Barcelona-s kryesuese, por që ka një ndeshje për të luajtur.