Partizani mposhti Kamzën me rezultatin 0-1 në sfidën e vlefshme për javën e 20-të të Kategorisë Superiore. Goli i Jasir Asanit në minutën e 56-të i dha fitoren skuadrës së Gegës. Edhe pse nuk pati kontestime në fundin e ndeshjes, nga pamjet rezulton se goli i skuadrës së kuqe ishte i parregullt. La ta sqarojmë pse…
Gjithçka nisi me topin e hedhur drejt zonës të mesfushorit Bruno Telushi, aty ku gjendet Bardhi, i cili me një prekje të lehtë pason për mbrojtësin Lum Rexhepi, ky i fundit i ndodhur në pozicion jashtë lojë, merr pjesë në aksion duke e kthyer topin në afërsi të pikës së penalltisë.
Në këtë moment, gjyqtari anësor duhet të sinjalizonte për pozicion jashtë lojë, ndërkohë që loja ka vazhduar dhe Asani shënoi golin që vulosi fitoren. Për të krijuar një ide më të qartë ndiqni pamjet e mëposhtme:
