Gati për ndeshjen e të shtunës në shtëpi ndaj Valladolid, Barcelona është në kërkim të rikthimit te fitorja pas tre ndeshjeve të fundit në La Liga, të përfunduara të gjitha në barazim.
I freskët dhe optimist pas rinovimit Barcelonën, trajneri i katalanasve, Ernesto Valverde, gjatë konferencës për mediat foli veçanërisht edhe për një tjetër rinovim shumë të rëndësishëm për klubin blaugrana, atë të kroatit Ivan Rakitic.
“Klubi do të hedhë të gjithë hapat e do të bëjë të gjitha përpjekjet e nevojshme për të qenë më të mirët në botë dhe Ivan Rakitic është i rëndësishëm për ne në këtë objektiv”, deklaroi trajneri i Barças, Ernesto Valverde.
