Formula 1

PAS TESTEVE ZYRTARE NË F1/ Hamilton tallet me Ferrarin: Gjithnjë shkëlqejnë në fillim e qajnë në fund

“Ferrari duket më në formë. Po ashtu edhe Vettel. Do të jetë shumë e vështirë për t’i mundur”. Ka qenë ky komenti i Lewis Hamilton, pilotit britanik të Mercedes, pas rezultateve të testeve të para që po zhvillohen në pistën spanjolle të Montmelo. Kampioni i botës në fuqi në Formula 1 ka mbetur disi i zhgënjyer nga makina gjermane, që ka qenë gjatë dy ditëve të para 1 sekondë më e avashtë në pistë.

“Unë kam besim te puna e Mercedes, që ashtu siç ia ka dalë mbanë çdo vit do të arrijë të gjejë një zgjidhje edhe këtë sezon. Ne jemi duke studiuar shkaqet e këtyre rezultateve jo të mira, për ta njohur më në brendësi makinën. Gjithsesi, pak a shumë, sa herë që ka nisur një sezon kemi qenë në këto nivele dhe më pas jemi përmirësuar. Edhe vjet, Ferrari ishte i shpejtë në fillim, ashtu sikurse e prisnim edhe këtë vit”, tha Hamilton.

Më tej, britaniku tha: “Ne jemi duke punuar fort dhe kjo situatë është normale. Nuk jam shumë i shqetësuar, pasi Mercedes ka ditur të përmirësohet nga gara në garë çdo vit. Dhe në fund kemi qenë ne ata që kemi qeshur në fund dhe rivalët tanë janë mërzitur. Unë e pranoj që për ne do të jetë një sfidë më e fortë se ajo e sezonit të kaluar, por sa më shumë xhirojmë aq më shumë mësojmë”, tha Hamilton.

Related posts

Mercedes: Për të mundur Ferrarin duhet të jemi të përkryer

Sadik.Autor

Kalendari i F1-shit për vitin 2019, largohen dy pista legjendare?

Sadik.Autor

E PABESUESHME/ Surprizon Hamilton: Dua të garoj në Moto GP

Isa.Autor

Leave a Comment