Liverpuli dhe Mançester Siti, do të kenë një duel kokë më kokë deri në fund të Premier Ligës, pasi diferenca e tyre është vetëm 1 pikë dhe mbeten 10 sfida për tu luajtur.
Njëra prej këtyre skuadrave do të jetë fituesja e këtij edicioni të kampionatit anglez, por të përcaktohet se cila nga këto është shumë e vështirë. Skuadra e Klopit ka 69 pikë, ndërsa ajo e Guardiolës ka 68 .
Në 10 ndeshjet që i mbeten Liverpulit, pesë do t’i luajë në shtëpinë e vet dhe pesë jashtë fushe. Ndërsa Siti, gjashtë do t’i luajë si mike dhe katër në fushën e vet.
Në takimet e mbetura Liverpuli ka tre kundërshtarë shumë të fortë, të paktën në letër, që janë Totenhemi në fushën e vet, Evertoni në transfertë dhe Çelsi në shtëpi.
Kurse për Sitin, sfidat më të vështira do të jenë ato me Totenhemin në shtëpi dhe Junajtid jashtë fushe.