Triumfi 1-0 në shtëpi ndaj Ventspils nuk mjafton. Teuta eliminohet nga Liga e Europës. Skuadra e Bledi Shkëmbit nuk ka arritur të përmbysë disfatën 3-0 në takimin e parë, teksa pavarësisht dominimit në përballjen e sotme, nuk ka arritur të shkojë më shumë se fitorja 1-0.
Ishte mesfushori Kallaku, që në minutën e 47-të, me një lëvizje mjeshtërore “alla Zidan”, shmangu mbrojtësit kundërshtare, duke zhbllokuar sfidën.
Pavarësisht përpjekjeve të vazhdueshme, “djemtë e detit” nuk arritën të gjenin sërish rrugën e rrjetës, duke i dhënë “lamtumirën” kompeticionit europian, në fazën e parë.