Paris Saint-Germain fiton pa probleme edhe pa Neymar, Cavani dhe Kylian Mbappe. Dy të parët janë të dëmtuar, ndërsa i dyti është lënë pushim nga trajneri Tuchel për çerekfinalen e Kupës së Francës të luajtur dhe të fituar 3-0 në shtëpi kundër Dijon-it.
Parisienët kanë siguruar kualifikimin në gjysmëfinale që në pjesën e parë falë dy golave të Angel Di Maria. Argjentinasi ka zhbllokuar ndeshjen në minutën e 8-të me një gol të mrekullueshëm dhe ka dyfishuar avantazhin e ekipit të tij në të 28-ën, duke përfituar nga disa gabime të mbrojtjes mike.
Pjesa e dytë ka qenë një formalitet për lojtarët e Thomas Tuchel, të cilët e kanë rrumbullakosur fitoren me Meunier në minutën e 77-të.
