Verder Bremeni arriti një fitore të madhe sot në shtëpi, me shifrat e thella 4-0 ndaj Augsburgut, falë edhe një dopiete të Milot Rashicës.
Shqiptari i cili ka zgjedhur të përfaqësojë Kosovën, zhbllokojë shifrat që në minutën e 5-të, ku pas një topi nga e majta, çau mbrojtjen, gënjeu një kundërshtar, dhe mposhti portierin.
Më pas, në minutën e 28-të, shënoi edhe të dytin personal, dhe të tretin për Verderin, në një kundërsulm vrasës, ku nga hyrja e djathtë e zonës, shënoi me një goditje perfekte në cepin tjetër të portës.
Por, loja mjaft e mirë e Rashicës, u ndal në minutën e 36-të, pasi ai u detyrua të ndërrohej, pas problemeve që ndjente në pjesën e shpinës.
