Benfica regjistroi të dielën një fitore historike me rezultatin e jashtëzakonshëm 10-0 ndaj skuadrës modeste Nacional, në një ndeshje në të cilën shënuan jo pak por plot tetë futbollistë të skuadrës, që tashmë renditet në vendin e dytë të klasifikimit.
Fitorja që deri tani është më e thella në kampinatin portugez startoi me një gol që në minutën e parë të takimit dhe u mbyll me golin e 10-të të realizuar në minutën e 90’, për të çertifikuar rezultatin final në shifrat 10-0 në favor të Benficas.
Pas kësaj fitore, skuadra e Benficas renditet në vendin e dytë të klasifikimit, vetëm një pikë pas Portos kryesuese, që numëron 51 pikë pas barazimit të së premtes ndaj Moreirense. Rezultat i frikshëm ky në Portugali që bën të duket si një “limonadë” fitoren e Manchester City ndaj Chelseas me rezultatin 6-0.
