Mauro Icardi nuk po përjeton një moment të bukur në fushë, pasi janë bërë tashmë rreth dy muaj që nuk gjen golin, përveç atyre të shënuar ndaj Benevento dhe Lazio në Kupën e Italisë me penallti. Tratativa për rinovim gjithashtu nuk është finalizuar ende, teksa vazhdon pezull.
Për të kompletuar të gjithë këtë panoramë negative me të cilën përballet argjentinasi ishte edhe ngordhja e qenit të tij të parë, Coco.
Kapiteni zikaltër i ka dhënë lamtumirën mikut të tij besnik përmes një postimi në Instagram.
“Faleminderit miku im besnik, faleminderit për të gjitha momentet e përjetuara. Ishe i pari që erdhe dhe u largove kaq shpejt, por sigurisht që kudo të ndodhesh, do të jesh mirë dhe do të mbetesh gjithmonë me ne, sepse kujtimi yt nuk do të shuhet kurrë. Të duam shumë Cokito. Familja jote”, lexonte postimi i Icardi-t.
