Babai i futbollistit argjentinas, Emiliano Sala ka folur pas gjetjes së rrënojave të avionit me të cilin udhëtonte i biri.
‘Nuk mund ta besoj, kjo është një ëndërr, një ëndërr e keqe, unë jam i dëshpëruar’, u shpreh ai në një prononcim për Cronica TV në Argjentinë.
Mbetjet e një avioni të vogël me të cilin udhëtonte sulmuesi argjentinas Emiliano Sala dhe piloti i tij janë gjetur në Kanalin Anglez.
Avioni u zhduk në 21 janar mbi Kanalin Anglez teksa ishte nisur drejt Cardiffit në Britaninë e Madhe.
Ekipet e kërkimit tashmë shpresojnë të gjejnë edhe trupat.
