Nuk ka fitues në “Loro Boriçi”, me Partizanin që mban të paprekur distancën prej 9 pikësh ndaj Kukësit. Ndaj verilindorëve, të kuqtë arritën që të siglonin një nga dy rezultatet e kërkuara, teksa barazuan 1-1 në një 90 minutësh fantastik.
Pavarësisht egos së treguar edhe rasteve për gol, pjesa e parë u mbyll në barazim 0-0. Me rikthimin në fushë, Reginaldo dërgon në dhomat e zhveshjeve sulmuesin Krasniqi. Vetëm pak minuta në fushë i mjaftuan sulmuesit nga Mozambiku për të gjetur fundin e rrjetës dhe për të dridhur kryeqytetasit.
Një goditje perfekte e Reginaldos nga goditja e dënimit la të shtangur portierin e Partizanit, Alban Hoxha. Ndërkohë, reagimi i të kuqve erdhi nga Jasir Asani, i cili pasi fitoi 11 metërshin e shndërroi në gol.
