Trajneri i Manchester City-t, Pep Guardiola, është ëndrra e Juventus-it për stolin.
Sipas “Sportmediaset”, Guardiola është emri i fundit që po merret në konsideratë nga bardhezinjtë për të zëvendësuar Massimiliano Allegri-n, i cili ka pak mundësi që të vazhdojë të jetë trajneri i “Zonjës” pas fundit të këtij sezoni.
Sipas faqes italiane, vëllai-menaxher i trajnerit të City-t, Pere, është parë në Torino dhe kjo mund të thotë se mund të kenë nisur një komunikim mes palëve.
Për më tepër, “SportMediaset” ka cituar burime nga Anglia që nuk e konsiderojnë të pamundur një kalim të Guardiola-s tek Juventus, veçanërisht pasi bardhezinjtë morën Cristiano Ronaldo-n verën e kaluar.
Tekniku 48-vjeçar ka fituar kampionatin në Spanjë, Gjermani dhe Angli me Barcelona, Bayern Munich dhe City, pa harruar dy Champions League dhe trofe të tjerë kombëtarë.
