Sulmuesi i Inter, Lautaro Martinez, është kthyer me një dëmtim në kofshë nga miqësorja e luajtur me Argjentinën kundër Markokut dhe nuk do të jetë në gjendje të luajë në ndeshjen e së dielës në mbrëmje kundër Lazio-s.
“Vizitat mjekësore kanë konfirmuar dëmtimin e Lautaro Martinez në kofshën e djathtë. Sulmuesi do të zhvillojë një punë të personalizuar dhe gjendja e tij do të rivlerësohet javën e ardhshme”, ka bërë të ditur Inter-i në një komunikatë për shtyp.
Një humbje e madhe për trajnerin Luciano Spalletti në prag të ndeshjes kundër Lazio-s. Duke parë se është e vështirë të mendohet për një kthim të Mauro Icardit si titullar, trajneri i zikaltërve duhet të zgjedhë njërin mes Keita Balde dhe Politano për të zëvendësuar “Demin”.