Taulant Xhaka dhe vëllai i tij Granit Xhaka janë ndër futbollistët më të talentuar shqiptarë të cilët janë të njohur ndërkombëtarisht. Ditën e sotme Taulanti feston 28 vjetorin e lindjes dhe nuk ka munguar një urim i ndjerë nga ana e Granitit. Ky i fundit na ka emocionuar të gjithëve me dedikimin që i ka bërë vëllait në një ditë të shënuar si kjo e sotmja, përmes një postimi në Instagram ku shkruajti:
“Për ty sot është një ditë shumë e veçantë andaj së bashku me gëzimin dhe gjithë rëndësinë e kësaj dite të veçantë për ty dhe gjithashtu për mu dhe të gjithë ata që të duan dhe ti i do! Të dëshiroj gjithë lumturinë e kësaj bote. Të dëshiroj suksese të mëdha në të ardhmen, vullnet në punë/ mësime. Të dëshiroj fat në të gjitha sferat e jetës dhe më së shumti të dëshiroj harmoni dhe lumturi me të gjithë ata persona që janë pjesë e jetës tënde. Urime ditëlindja vllau im”.
